Transcription
1
Monseigneur, puis ma lettre escripte, nous havons heu advis de plusieurs
2
parts que les ennemis estoient entrez en Daulphiné. Ceste nouvelle ha heu
3
cours ce joursdhui laprès disné jusques environs les cinq heures
4
après midi que jai receu lettres de Monsieur de la Poepe d’Anjou
5
que lesditz ennemis sestoient saisis des deus chateaus de Serrieres,
6
ensemble de trois bateaus de voeture propres à eus pour entrer en
7
Daulphiné comme ilz sont deliberés. Ce jourdhui matin, jai receu
8
autre lettre du sieur de Bernier, cousin germain dudit sieur de La Poepe. Nous
9
avons sceu pour assuré, outre ce quilz ment ont escript, que lesdits
10
sieurs de la Poepe et Bernier sont en armes accompagné de ledit jour
11
dhier denviron cent arquebusiers avec lesquelz par certains gens
12
de cheval, ilz recogneurent lesdits ennemis. Ce jourdhui ilz se sont
13
encheminés à mesmes fins. Je leur hai escript que telle action vous
14
seroit très agreable et quil leur pleust de continuer y [et ?] assembler
15
gens, attendant votre comandement. Lon ma aussi adverti que pour certains
16
lesdictz ennemis veulent surprendre le château de Jarcieu. Jen hai
17
adverti Madame la contesse de Tende, afin quelle y pourvoie, attendant
18
votre comandement. Dailheurs, jai escript à monsieur du Collombier
19
et autres gentilhommes venir en ceste ville et nous mander quarante
20
ou cinquante soldards. J’espère quils seront ceste après disner ici,
21
ainsi que ledit sieur ma escript, afins de pourvoir avec eus à la
22
seurté de ceste ville ; et [mots barrés] attendant sur le tout
23
votre bon plaisir, vous suppliant très humblement nous faire entendre votre
24
volonté àlaquelle j’obeirai promptement de mon pouvoir, et quil vous
25
plaise havoir pour agreable et la venue desdits sieurs gentilhommes
26
et vigilance desdits La Poepe et Bernier. Lon faict ici de
27
fort belles deliberations, mais lon ne peust havoir argent des
28
ungs ni des autres soit par emprunt ou autrement pour pourvoir
29
aux charges. Le château de la Bastie nest advitallié ni
30
amunitioné. Il voz plaira mander à messieurs les consuls le
31
faire promptement avec pouvoir dempronter pour la necessité et y
32
contraindre les refusans ; et surce
33
monseigneur, je supplierai le Createur vous donner très longue et très
34
heureuse vie. De Vienne, ce XXIIIIe de mars 1574.
35
Votre très humble serviteur
36
J. de Buffevant
37
Monseigneur, il plaira à votre segnorie pourvoir à la seurté de ceste cite et chateaus circonvoisins
38
et y ordonner sur la garde selon votre
39
bon plaisir.